surgical excision of tumor-like mass(papilloma) in equine

دى حالة كانت بادئة بجرح بسيط خالص محصلهاش رعاية كويسة ولا اتحط عليها مضاد حيوى ولا اتلف عليها رباط ومن الشغل 

 والحك كبرت للدرجة دى

 طبعا ملهاش حل غير انها تتشال ده قرار سهل انه يتاخد بس المشكلة فى المكان بتاعها يعنى الحصان ماهو الا اربع رجلين يعنى الواحد يكون حريص كل الحرص وهو بياخد القرار ده ممكن يعملها فى وقتها او يتاخر شوية يومين او حاجة على حسب الحالة اللى عندى

 يعنى الحالة اللى معانا دى كان فيها مشاكل كتير

 كانت عشر وضعيفة وكانت الكتلة كبيرة قوى وحصل فيها ..........................هنعرف فى الاخر ايه اللى حصل

: طلبات اى عملية بتتقسم ل3 طلبات

حاجات قبل العملية

حاجات لشغل العملية

حاجات بعد العملية

وكل حاجة من دى مهمة جدا ومش لازم ينقص فيها حاجة علشان مش يحصل مضاعفات وبردوا على حسب المتاح قدامى المهم يقضى نفس الغرض لان بردوا الحالة المادية لصاحب الحالة ساعات بتخلينى استعمل حاجات معينة

دى الطلبات بالاضافة لجبس نجمة سينا علشان التجبيس

نشوف بقة العملية

الفيديو الاولانى ده الدكتور علق فيه التخدير علشان يبقة

general anasthesia

بعد كدة نضف حوالين المكان بتاع العملية وبدا يحقن تخدير موضعى علشان الحيوان مش يتحرك

بعد كدة الدكتور ربط رباط ضاغط

tourniqeut 

علشان مش يحصل نزيف وانا بشتغل

وبدا يقطع الكتلة بحرص شديد جدااااااااااا لان المنطقة دى كلها اوتار (هو التخدير كان شغال بس زودوه شوية كمان)

وبدا يشيل كل الانسجة الميتة وغسل بمحلول ملحى

وطهر ببتادين وبدا يعمل ضمادة او

bandage

ببدا بشاش اول حاجة علشان القطن ممكن يلزق فى الجرح وبعدين احط ع الشاش بيتادين والف بقة طبقات من القطن مع ضغط  خفيف خالص وفى الحالة دى كانت الاصابة كبيرة ووصلت لحد حافية الحافر من ورا علشان كدة وانا بعمل الضمادة هشمل الحافر معايا

وارجع الف شاش تانى علشان يمسكلى القطن اللى انا لفيته بس وانا بلفه بضغط جامد علشان الحجم يصغر شوية

وبعد كدة هيبدا يعمل الجبس بيفك اللفة ويحطها شوية فى المية ويلفها ع الشاش كذا لفة لحد ما المكان كله يتجبس ومش انسى الحافر وبعدين اسيب الحيوان فى مكانه كدة لحد ما الجبس ينشف وعلشان اتابع لو فيه اى مضاعفات حصلت ولا لا

 

بعد التجبيس الدكتور سابها شوية ولقى فيه نزيف شديد شرخ الجبس وفضلت تنزف جامد 

وده لان فيه ضغط جامد بالرباط الضاغط زى ما شفنا فى الفيديو خلى الانسجة لونها ابيض خالص اول ما الرباط اتفك والتخدير تاثيره راح معتش فيه حاجة ضاغطة على الاوعية الدموية وكمان الجبس هينشف ويبقة عامل كانه انبوبة فيه مسافة بينها وبين الرجل فلازم نفك الجبس ده ونشوف مصدر النزيف منين زى هنا كان فيه وعاء دموى مفتوح اتخيط والدكتور زود الضمادة زيادة عن الاول وبعدين جبس تانى والحالة بقت كويسة